اليوم معي وصفة اللازانيا ...
طبعا كل واحدة فيكم عندها طريقتها الخاصة ..
طريقتي بعملها بالخضار و اللحمة و بتطلع كتير طيبة و مميزة , و دائما يطلبوها مني الحبايب ...
لا تخافوا أن الطريقة طويلة , لأن أنا أحب أن أذكر كل شيء بأدق التفاصيل
بسم الله نبدأ
المواد اللازمة :
=========
شرائح عجينة معكرونة اللازانيا المصنوعة من سميد القمح القاسي
جبنه صفرة مبشورة
زبدة لدهن الصينية
مكونات صلصة اللحمة :
=============
أربع ملاعق كبيرة زيت زيتون
حبة بصل مفرومة ناعماً
نصف ملعقة صغيرة ثوم
حبة فليفله خضراء مفرومة ناعماً
حبة فليفله حمراء مفرومة ناعماً
حبة جزر مبشورة
فطر شرحات
نصف كيلو لحمة مفرومة
أربع حبات بندورة وسط مقشرة و مفرومة ناعماً
مكعبان ماجي
ملعقة صغيرة بهارات مشكلة
نصف ملعقة صغيرة قرفة
ملعقتان طعام معجون الطماطم
نصف ملعقة صغيرة دبس فليفلة ( اختياري )
ملعقة صغيرة أوريغانو ( زعتر ورق ناشف )
مكونات صلصة البيشاميل :
===============
ستة أكواب حليب
ستة ملاعق طحين أبيض
مكعبان ماجي ( اختياري )
ملح و فلفل أبيض و جوز الطيب
ثلاث ملاعق زبدة
تحضير صلصة اللحمة :
==============
# نقلب البصل و الثوم بالزيت ثم نضيف الجزر و الفليفلة و الفطر و نقلب .
# نضيف اللحمة و نقلب حتى تتلون و يصبح لون اللحم بني ويختفي اللون الأحمر و نتبل بالبهار و القرفة ثم نضيف البندورة و ماجي و الدبس و شوية ماء و ندعها على نار هادئة مدة ربع إلى نصف ساعة حتى تجف نوعاً ما ( سمك الصلصة سيكون وسط يعني مش سائل و مش ناشف تماماً ) .
# نرفعها عن النار و نضيف الأوريغانو .
تحضير صلصة البيشاميل :
===============
# لما بتكون صلصة اللحمة على النار بستغلي الوقت و بتعملي البيشاميل .
# نخفق كوبان من الحليب مع الطحين حتى تختفي الكتل .
# نغلي باقي الحليب مع البهارات و مكعب ماجي حتى تمتزج المواد بشكل جيد .
# نضيف مزيج الطحين للحليب الغالي بشكل تدريجي مع التحريك المستمر حتى يغلي الصوص و يبدأ المزيج بالسمك و ندعه مدة 5 د على نار هادئة.
# نضيف الزبدة و نحرك و تصبح الصلصة جاهزة .
# أو يمكن أن نعمل البيشاميل بالطريقة العادية و هي أن تحمصي الطحين بالزبدة ثم تضيفي الحليب بالتدريج , و لكن أن أشوف أن طريقتي أسهل .
تطبيق الوصفة :
=========
# نستخدم أوراق اللازانيا بدون سلق .
# ندهن صينية بيركس بالزبدة و نغطي قاعها بالبيشاميل ونصف فوقه ورق اللازانيا و نغطيها بصلصة اللحمة و فوقه صلصة البيشاميل و نرش الجبنة و نكرر العملية مرتان ثانيتان ثم نغطي الوجه بأوراق اللازانيا و بعده صلصة البيشاميل و أخر شئ نرش الوجه بالجبنة المبشورة , و نزين برشه من زعتر الأوريغانو .
# بتقدري تحطي على الوجه مكعبات زبدة صغيرة ( أنا بحط المكعبات بس وقت العزومات ) .
# تخبز في فرن 180 في الطبقة الوسطى من الفرن مدة 30 - 45 دقيقة حتى تنضج .
أما أسرار نجاح اللازانيا :
============
أهم سر أنك تتركي اللزانيا كم ساعة قبل ماا تحطيها بالفرن , و إذا عملتيها قبل بيوم بيكون كتير أحسن لأن ورق اللازانيا بيشرب من الصلصة و بتكون النكهة أطيب( على فكرة هذه نصيحة عامة بالنسبة للمعكرونة , يعني دائماً بتكون الطعمة أطيب تاني يوم لأن المعكرونة بتشرب النكهات ).
ثاني سر : أنك تدهني الصينية بالزبدة و الثوم المدقوق كمان بيعطيها نكهة حلوة .
ثالث سر : إذا كنتِ عم تعملي ريجيم بتقدري تستغني عن الزبدة بصلصة البيشاميل , و الطعمة رح تبقى كتير طيبة , و على عكس ما هو معروف المعكرونة بحد ذاتها ما بتنصح , كمان بتقدري تستغني عن الجبنة المبشورة بين الطبقات .
السر الرابع : بتقدري ترشي على وجه الصينية كعك مطحون ( بقسماط ) لإضافة القرمشة على اللازانيا .
و أخر نصيحة : اتركي فراغات مناسبة بين أوراق اللازانيا لأنها ستكبر بعد النضج و ممكن أن تخرج من الصينية .
إن شاء الله بالصحة و الهنا و العافية :afro: :afro:
الجمعة ديسمبر 04, 2009 11:58 am
